Балалар фольклор коллективларының «Разноцветные потешки»конкурс-фестивале җиңүчеләре билгеләнде.

  "Троицкие хороводы" республика бәйрәме кысаларында балалар фольклор коллективларының "Разноцветные потешки"масштаблы фестиваль-конкурсы узды. Конкурста Аксубай районыннан гына түгел, Лаеш һәм Алексеевск районнарыннан да 15 балалар фольклор коллективы катнашты.  Яшь башкаручылар фестиваль тематикасына туры килә торган  сәхнә костюмнары киеп үз халкының гореф-гадәтләрен һәм мәдәниятен белүләрен күрсәттеләр. Халык җырлары яңгырады, юмористик импровизация, фольклор композицияләре, биюләр, уеннар башкарылды. Балалар коллективлары күңелле, кызыклы чыгыш ясады. Яшь конкурсантларны компетентлы жюри: Аксубай балалар сәнгать мәктәбенең музыка бүлеге концертмейстеры Татьяна Алексеевна Краснова, Аксубай муниципаль районының Мактаулы гражданы, Татарстан Республикасының атказанган укытучысы Валентина Алексеевна Селезнева, "Аксубай егетләре" балалар Үрнәк баянчылар ансамбле җитәкчесе, Татарстан Республикасының атказанган мәдәният хезмәткәре Наилә Сәет кызы Крайнова бәяләде. Нәтиҗәдә призлы урыннар түбәндәгечә бүленде:: 3 урын Урмандеево мәдәният йортының "Колокольчики" балалар фольклор коллективы; 3 урын Иске Үзи мәдәният йортының "Задоринки" балалар фольклор коллективы; 2 урын Алексеевск районы Краснобаран мәдәният йортының "Рябинушка" балалар фольклор коллективы; 2 урын Белово мәдәният йортының "Ручеек" балалар фольклор ансамбле; 1 урын Лаеш районы Никольский мәдәният йортының "Каравон" балалар халык фольклор ансамбле; 1 урын Иске Илдерәк мәдәният йортының "Веснушки" балалар фольклор коллективы; Барлык җиңүчеләрне котлыйбыз һәм киләчәктә дә иҗади уңышлар телибез! Конкурста җиңүчеләрнең һәм катнашучыларның барысы да грамоталар һәм истәлекле бүләкләр тапшырылды.