Чираттагы эшлекле сишәмбе күңелле мизгелләрдән башланды.

  Бүген район Башкарма комитеты җитәкчесе Алмаз Мингулов коллегаларын туган көннәре белән котлады. Шулай ук полиция бүлеге башлыгы итеп билгеләнгән Юлдус Госман улы Билалов белән таныштырды. Эшлекле очрашуда алдан билгеләнгән планнарның үтәлеше турында фикер алыштылар. Бүлекчә җитәкчеләре соңгы атнада башкарылган чара һәм ирешелгән нәтиҗәләр турында сөйләделәр. Утырышлар залында медицина хезмәткәре көненә багышланган район архивының күргәзмәсе аерым игътибарга лаек булды. Бу экспозиция сәламәтлек саклауның мөһимлеген һәм медицина хезмәткәрләренең җәмгыять үсешенә керткән өлешләрен искә төшереп, хезмәткәрләр өчен үрнәк булды. Киңәшмәне тәмамлап, район җитәкчесе конкрет бурычлар , аларны үтәү срокларын билгеләде һәм очрашуда катнашучыларга уңышлы эш атнасы теләде!