Түбән Савруш авылында заманча модульле фельдшер-акушерлык пункты төзелеше тәмамланып килә.

  Эш авылда медицина ярдәменең сыйфатын яхшыртуга юнәлдерелгән «Дәвамлы һәм актив тормыш» милли проекты кысаларында алып барыла.⁣ Яңа ФАП барлык заманча таләпләрне исәпкә алып төзелә һәм кирәкле медицина җиһазлары белән тулысынча тәэмин ителәчәк. Бу җирле халыкка медицина хезмәте күрсәтү дәрәҗәсен сизелерлек күтәрергә һәм турыдан-туры авылда квалификацияле медицина ярдәме күрсәтергә мөмкинлек бирәчәк.⁣ Заманча медицина пункты барлыкка килү-авыл инфраструктурасын үстерүдә һәм Түбән Саврушта яшәүчеләрне сыйфатлы медицина хезмәтләре белән тәэмин итүдә мөһим адым.