Шәхси ярдәмче хуҗалыкларга субсидияләр.

  Шәхси ярдәмче хуҗалык алып баручы гражданнарга агымдагы финанс елына кадәрге елда савым сыерлары, ана кәҗәләр һәм бер яшьтән зуррак кәҗәләр асрауга тотылган чыгымнар өлешен каплауга субсидияләр бер шәхси  хуҗалыкка  елга бер тапкыр бирелә. Шәхси ярдәмче хуҗалыкларга әлеге ярдәм Татарстан Республикасы Министрлар Кабинетының 20.05.2025 ел, № 339 карары белән расланган шәхси ярдәмче хуҗалык алып баручы гражданнарга савым сыерларын, ана кәҗәләрне һәм бер яшьтән өлкәнрәк кәҗә бәтиләрен асрауга чыгымнар өлешен каплауга Татарстан Республикасы бюджетыннан субсидияләр бирү тәртибе нигезендә күрсәтелә. 2025 елның 1 гыйнварыннан шәхси ярдәмче хуҗалыкларга субсидияләр бирү шартлары үзгәрде. Субсидия алу өчен азыкка һәм азык өстәмәләренә (ашлык, ашлык фуражы, печән, салам, силос, сенаж, чөгендер түбе, патока, катнаш азык һ.б.) тотылган чыгымнарны раслый торган документлар тапшырырга кирәк. Фактта башкарылган чыгымнарны раслый торган документлар - накладной яисә кабул итү-тапшыру актлары, касса чеклары, яисә керем касса ордерларына квитанцияләр, яисә банк өземтәләре,  хезмәт хакы исәбенә азык бирү турында түләү ведомостлары. Бер баш савым сыерына 6 300,0 сум исәбеннән субсидия ставкасы, әмма ул 24 баштан артмаска тиеш. Бер ана кәҗә һәм бер яшьтән зуррак булган кәҗә бәтиләренә 1 000,0 сум исәбеннән субсидия ставкасы.          Субсидия алучы түбәндәге сайлап алу критерийларына туры килергә тиеш: · Россия Федерациясе гражданлыгы булу; · милек хокукындагы һәм (яисә) башка хокуктагы шәхси ярдәмче хуҗалык алып бару өчен рөхсәт ителгән файдалану төре булган җир кишәрлеге булу; · Татарстан Республикасы территориясендә эшчәнлекне исәпкә алуны электрон хуҗалык кенәгәсендә теркәү һәм гамәлгә ашыру; · агымдагы финанс елының 1 гыйнварына шәхси ярдәмче хуҗалыкларны исәпкә алу кенәгәсендәге язма буенча савым сыерларының, ана кәҗәләрнең һәм бер яшьтән өлкәнрәк кәҗә бәтиләренең саны булу; · агымдагы финанс елында савым сыерларына карата мәҗбүри дәвалау-профилактика чаралары уздыру. Үзара хезмәттәшлек «Минем субсидияләр»системасында электрон формада документлар кулланып гамәлгә ашырыла. Сайлап алуда катнашучы сайлап алуны уздыру турында белдерүдә күрсәтелгән срокларда электрон рәвештә гариза төзи  «Минем субсидияләр» системасына документларның электрон (сканерланган) күчермәләрен тапшыра: · шәхси ярдәмче хуҗалык алып бару өчен рөхсәт ителгән файдалану төре булган җир кишәрлеге аренда хокукында шәхси ярдәмче хуҗалык алып баручы гражданныкы булган очракта җир кишәрлегенә аренда шартнамәсе; · агымдагы финанс елында түләүле ветеринария хезмәтләре күрсәтүгә шартнамәләр, савым сыерларына карата үткәрелә торган ветеринария-профилактика чараларына тулысынча түләүне раслый торган түләү документлары; · фактта тотылган чыгымнарны раслый торган документлар; · субсидия бирү нәтиҗәсе әһәмиятенә ирешү турында хисап.