Федоровка интернат-йортында капиталь ремонт эшләре актив алып барыла.

  Татарстан Республикасы Хезмәт, халыкны эш белән тәэмин итү һәм социаль яклау министрлыгының «Өлкәннәр һәм инвалидлар өчен Федоровка интернат-йорты» ДАССОсында мунча-кер юу комплексын капиталь ремонтлау эшләре актив алып барыла. Ремонт эшләре «Стационар социаль хезмәт күрсәтү оешмаларын капиталь ремонтлау»программасы кысаларында гамәлгә ашырыла. Мунча-кер юу комплексын яңарту-интернатта яшәүчеләр өчен заманча көнкүреш шартлары тудыруда мөһим этап. Әлеге инфраструктура объектын модернизацияләү хезмәт күрсәтү сыйфатын сизелерлек яхшыртырга һәм социаль хезмәтләрдән файдаланучылар өчен яшәү шартларын яхшыртырга мөмкинлек бирәчәк.