«Геройлар янәшәдә - Герои рядом»әдәби конкурсында Аксубай мәктәбе укытучысы  иң яхшылар рәтендә!

  В.Г. Тимирясов исемендәге 1 нче Аксубай урта мәктәбенең Туган тел (татар) теле һәм әдәбияты укытучысы Галиева Әлфирә Әмирҗан кызы патриотик юнәлештәге «Геройлар янәшәдә - Герои рядом»ачык әдәби конкурсының «Хикәя» номинациясендә мактаулы 3 урынны яулап призер булды. Ватанпәрвәрлек хисе һәм заман геройларына хөрмәт тәрбияләүгә юнәлдерелгән Конкурс бөтен республикадан талантлы авторларны җыйды. Катнашучылар безнең белән янәшә яшәүче кешеләрнең батырлыгына һәм фидакарьлегенә багышланган әсәрләрен тәкъдим итте. Әлфирә Әмирҗановнаның хикәясе теманы тирәнтен аңлау, ачык тел һәм тирән эчтәлек белән аерылып торды. Шунысын да билгеләп үтәргә кирәк, әлеге конкурста 1 һәм 2 урыннарны танылган татар язучылары Факил Сафин һәм Галимҗан Гыйльманов алды.  Аксубай укытучысы үз районын лаеклы рәвештә тәкъдим итте һәм югары дәрәҗәдә күрсәтте. Эш диплом һәм акчалата бүләк белән билгеләнде. Әлфира Әмирҗан кызын җиңүе белән котлыйбыз һәм аңа киләчәктә дә иҗади уңышлар телибез!