Иске Ибрай авыл мәдәният йортында «Мәдәни объектларны капиталь ремонтлау»программасы кысаларында капиталь ремонт эшләре актив алып барыла.

  Проект бинаны яңартуны гына түгел, мәдәният учреждениесен заманча  һөнәри җиһазлар һәм кирәкле инвентарь белән комплекслы тәэмин итүне дә күздә тота. Мәдәният йортын модернизацияләү авыл халкының иҗади тормышы өчен уңайлы шартлар тудырырга, мәдәни-массакүләм чаралар үткәрергә һәм халыкның барлык яшь категорияләре өчен ял итүне оештырырга мөмкинлек бирәчәк. Яңартылган мәдәният йорты Иске Ибрай авыл җирлегенең мәдәни тормышының чын үзәгенә әверелеп, традицияләрне саклау, үстерү, халык иҗатына һәм талантлы яшьләргә ярдәм итүне күздә тота.