«Мечта» приюты тәрбияләнүчеләренең Чунг-Чанга утравына сәяхәте.

  «Мечта»балалар һәм яшүсмерләр  социаль приютында тәрбияләнүчеләр өчен «Чунга-Чанга утравына сәяхәт»спорт ярышлары узды.  Ярышларда ике команда – «Үлән ашаучылар» һәм «Ерткычлар»катнашты. Балаларга йөгерү, сикерү, туп, кыршау белән төрле эстафеталар тәкъдим ителде.  Бу мавыктыргыч ярышның барлык этаплары да киеренке көрәштә узды. Ярыш берничә эстафетадан торды, биремнәрне барысыннан да тизрәк үтәү генә түгел, киртәләрне узу кагыйдәләрен бозмау да кирәк булды. Спорт дәрте һәм үз командасының җиңүгә ирешү теләге ярышучыларны шулкадәр җәлеп итте ки, алар тирә-юньдә ни булганын күрмәделәр. Ике команда да җитезлек, көч, тизлек, зирәклек һәм оешканлык күрсәтте. Спорт бәйрәме мавыктыргыч һәм искиткеч булды. Ул бик күп уңай хис-кичереш һәм тәэсир калдырды.