«Мечта " приютында тәрбияләнүчеләр «Сак булыгыз, наркотиклар»исемле тәрбия сәгатендә катнашты.

  Аксубай районы «Мечта» социаль приютында Халыкара наркоманиягә каршы көрәш көненә багышланган чара узды. Балалар «Сак булыгыз, наркотиклар»дип аталган тәрбия сәгатендә катнашты. Чара башында «Пирамида»интерактив уены үткәрелде. Балалар бер-берсен уенга чакырды, һәм санаулы минут эчендә зур пирамида тезелде. Бу күрсәтмә мисал эпидемия кебек наркотикларга бәйлелекнең никадәр тиз таралырга мөмкинлеген аңларга ярдәм итте. Әңгәмә барышында , беркем дә наркоман булып тумый, ләкин, кызганычка каршы, күпләр наркоман булып китүе әйтелде. Еш кына бәйлелеккә беренче, һәлакәтле адым – яшьтәшләр басымы астында яки кызыксыну. Наркотикларның организмга җимергеч йогынтысы турында кызу бәхәсләрдән соң, балалар бердәм фикергә килде: иң мөһиме – тормыш файдасына сайлау ясау һәм наркотик матдәләрне татып карарга тәкъдим итүчеләргә «юк» дип әйтергә үзендә көч табу.