Кадерле чыгарылыш укучыларыбыз!

  Кадерле чыгарылыш укучыларыбыз! Бүген сез вакыйгаларга бай мөстәкыйль тормыш бусагасында басып торасыз. Балачакның матур чоры: мәктәп эскәмиясе, беренче дуслык дәресләре, имтиханнарның дулкынлы көннәре, кырыс, әмма шундый яраткан укытучылар, ачышлар  шатлыгы артта калды. Сез үсеп җиттегез, рухыгыз ныгыды һәм мөстәкыйль тормышка аяк басарга әзерләнәсез. Сезнең һөнәрне сайлаган юлыгыз йөрәк һәм җан сайлаган юлның башы булсын! Сезнең алда яңа офыклар ачылсын, ә алган белемнәр уңышка һәм үзеңнең хыялларны тормышка ашыруга алып барсын. Йөрәгегез белән һөнәр сайлагыз! Район сезне  төрле өлкәләрдә белгечләр итеп көтә! Сезгә бу уку елларындагы кебек максатчан, хыялларыгызга һәм идеалларыгызга тугры булып калуыгызны телим. Тормыш юлыгыз тигез һәм якты булсын, һәр башлангычыгызга уңыш юлдаш булсын, янәшәгездә ышанычлы дуслар һәм йөрәккә якын кешеләр булсын. Сезне 11 ел кулга-кул озата барган кешеләрне-акыллы остазларны, игътибарлы педагогларны, ата-аналарыгызны һәрвакыт истә тотыгыз һәм кадерләгез. Алар сезгә күңелләренең бер өлешен салдылар, сезнең киләчәгегез турында кайгырттылар, сәләтләрегезне ачарга булыштылар. Уңышларыгыз гаиләләрегезнең һәм районыбызның горурлыгы булсын. Ышанам, алда сезне зур казанышлар һәм якты җиңүләр көтә. Бәйрәм белән, кадерле укучылар! Олы тормышка хәерле юл! Алмаз Мингулов, Аксубай муниципаль районы Башкарма комитеты җитәкчесе