Аксубай районы "Уяв-2025"республика чуваш мәдәнияте бәйрәмендә үзен лаеклы тәкъдим итте!

  Кичә безнең район делегациясе кунакчыл Нурлатта узган «Уяв-2025» республика чуваш мәдәнияте бәйрәмендә катнашты. Чарада Татарстан рәисе Рөстәм Миңнеханов, Чуваш Республикасы Башлыгы Олег Николаев һәм Россия Герое, «Россия чувашларының федераль милли-мәдәни автономиясе» иҗтимагый оешмасы рәисе Николай Гаврилов булды. Иҗат коллективларыбызның якты чыгышлары белән тамашачыларның күңелен яулап алуларын горурланып күзәттек! Чуаш мәдәнияте — безнең уртак мәдәни байлыгыбызның мөһим өлеше, һәм безнең районда әлеге уникаль традицияләрне саклауга зур игътибар бирелә. «Уяв» бәйрәме гадәттәгечә халык кәсепләре ярминкәсен, декоратив-гамәли сәнгать осталары эшләнмәләре күргәзмә-сатуны, мастер-классларны, традицион чуаш кухнясы ризыкларын тәкъдим итүне үз эченә ала. Мондый бәйрәмнәр безнең көчебез халыклар бердәмлегендә, мәдәни күптөрлелекне саклауда һәм үзара ихтирамда икәнлеген ачык күрсәтә. Төрле милләт вәкилләре дус һәм тату яшәгән районыбыз өчен бу хакыйкать аеруча якын һәм аңлаешлы. Бәйрәмдә катнашкан һәм районыбызны лаеклы тәкъдим иткән барлык аксубайлыларга рәхмәт белдерәбез! Киләчәктә дә милләтара хезмәттәшлекне үстереп, традицияләрне кадерләп саклап   яшь буынга тапшырырбыз.