«Ә җырлар шулай ук сугышты!» әдәби-музыкаль кичәсе.

  "Мечта" социаль приютында "Ә җырлар шулай ук сугышты!"  исемле бөек Җиңүгә багышланган әдәби-музыкаль кичә узды. Кичәдә  солдатның  ышанычлы ярдәмчесе - җыр турында сүз барды. Беренче атулардан башлап, бөтен сугыш аркылы җиңү май салютына кадәр алар солдат сафында барды. Җыр сугышчы белән бергә кайгы - шатлыкны да уртаклашты,  шаярту белән  дәртләндерде, ташлап киткән туганнарын, сөйгәннәрен сагынды, ачлыкны һәм салкынны, Җиңү хакына күп сәгатьләр буе авыр хезмәтне кичерергә ярдәм итте. Тәрбияләнүчеләр күп кенә фронт җырларын иҗат итүнең кызыклы һәм мавыктыргыч тарихларын белде.  Балалар матур җырлар тыңлап кына калмадылар, үзләренә ошаган «Катюша», «Десятый наш десантный батальон», «Смуглянка»җырларын да башкарды.