Гаилә, мәхәббәт һәм тугрылык көненә багышланган чарада хәзерге вакытта аеруча җиңел булмаган гаиләләр билгеләп үтелде.

  Бу гаиләләрнең ирләре һәм әтиләре Ватан мәнфәгатьләрен яклый, махсус хәрби операциядә катнаша, өйдә аларны көтәләр, яхшылыкка ышанып  алыштыргысыз ярдәм күрсәтәләр. Татарстан рәисе Рөстәм Миңнеханов дөрес билгеләп үткәнчә:"Ныклы һәм тату гаилә – илебезнең чәчәк ату нигезе ул". Алмаз Мингулов Надежда Александровна һәм Кирилл Николаевич Таиркиннар гаиләсенә, Василий Эдуардович һәм Эльвина Илдар кызы Ярославлевлар гаиләсенә актив тормыш позицияләре, җәмгыять ячейкасының ныклы үрнәге һәм гаилә кыйммәтләрен ныгытулары өчен Рәхмәт хаты тапшырды. Бәйрәм кунаклары геройларга һәм аларның тормыш иптәшләренә, шулай ук балаларына зур хөрмәт белән кул чапты, мондый авыр вакытларда ярдәм һәм бердәмлекнең мөһимлеген ассызыкладылар.⁣ Җылы хисләр һәм ихлас котлаулар белән тулган кичә район үзәгендә яшәүчеләргә һәм кунакларга онытылмаслык күп кенә тәэсирләр бүләк итте, һәр гаилә өчен бердәмлек һәм ярдәм хисен ныгытты.