Биоресурслар буенча ТР Дәүләт комитеты кош ату сезон турында хәбәр итә.

  Биоресурслар буенча ТР Дәүләт комитеты хәбәр иткәнчә, 15 июльдән һәркем өчен мөмкин булган аучылык җирләренә кошлар аулауга рөхсәт алуга гаризалар кабул ителә башлый. Рөхсәт алуны сорап, республика территориясендәге күп функцияле үзәкнең теләсә кайсы филиалына мөрәҗәгать итәргә була. Игътибар: гаризалар бер үк вакытта, кош-кортның төренә һәм ау срокларына (шул исәптән  этләр һәм аучы кошлар белән һәм алардан башка) бәйсез рәвештә кабул ителә башлый. Рөхсәтләр түбәндәге документлар нигезендә биреләчәк: - рөхсәт алуга гариза; - шәхесне таныклаучы документ (паспортның төп нөсхәсе); - ау билеты (оригинал); - рөхсәт биргән өчен дәүләт пошлинасын түләү турында квитанция (650 сум); - *хайваннар дөньясы объектларыннан файдаланган өчен җыем түләү турында квитанция (көртлек атырга рөхсәт алганда). Рөхсәт түбәндәге документлар булганда мөрәҗәгать итүченең вәкиле тарафыннан алырга мөмкин: - гади язма рәвештә ышанычнамә (мөрәҗәгать итүченең һәм ышанычлы затның паспорт күрсәткечләрен күрсәтеп (сериясе, номеры, кем тарафыннан һәм кайчан бирелгән, яшәү урынын теркәү), кылган гамәлләрен күрсәтү); - рөхсәт алуга гариза; - ышанычлы затның шәхесен таныклаучы документ (паспортның төп нөсхәсе); - ышаныч белдергән кешенең шәхесен таныклаучы документ (паспорт күчермәсе); - ышаныч белдергән кешенең ау билеты (оригиналы яисә күчермәсе); - рөхсәт биргән өчен ышаныч белдергән кешенең дәүләт пошлинасын түләү турындагы квитанция (650 сум); - *хайваннар дөньясы объектларыннан файдаланган өчен җыемны ышаныч белдергән кешенең түләве турында квитанция (көртлек атырга рөхсәт алганда). Хайваннар дөньясы объектларыннан файдаланган өчен бер баш көртлек өчен җыем ставкасы-20 сум (бер баш өчен). ИГЪТИБАР: ТҮЛӘҮЛӘРНЕ, РӨХСӘТ ФАКТЫ БУЕНЧА БАНК КАРТАСЫННАН ФАЙДАЛАНЫП, МФЦ ОПЕРАТОРЫННАН ГАРИЗА БИРГӘНДӘ БАШКАРЫРГА КИҢӘШ ИТЕЛӘ. Биоресурслар буенча ТР Дәүләт комитеты матбугат хезмәте