"Мәхәббәт һәм тугрылык ныгытмасы-гаилә».

  «Мечта» приютында «Мәрхәмәтле дөнья»программасы кысаларында Гаилә, мәхәббәт һәм тугрылык көненә багышланган истәлекле бәйрәм узды. Балалар бу искиткеч бәйрәмнең әһәмияте һәм аның тарихы турында белде. Тантаналы шартларда залга гаилә бәхете символлары булган Петр һәм Феврония килеп керде, алар балаларга  үз мәхәббәтләре,  ныклы гаилә бәйләнешләренең мөһимлеге турында күңелгә үтеп керерлек риваять сөйләде. Чара барышында гаиләгә, дуслыкка һәм тугрылыкка багышланган шигырьләр һәм мәкальләр яңгырады. Балалар командаларга бүленеп, «Ромашка - гаилә кәүсәсе» һәм «Ромашка җыеп ал»кебек төрле конкурсларда бик теләп катнашты. Алар шулай ук команда рухын һәм үзара ярдәмләшүне үстерергә ярдәм иткән уеннарны бик теләп уйнады, мәсәлән, «Баланы балалар бакчасына озат» һәм «Әнигә ярдәм ит». Моннан тыш, балалар өчен мастер-класслар оештырылды, ромашкалар белән эшләнмәләр ясап, алар үзләренең иҗади эшләрен күрсәтә алды. Мондый чаралар гаиләгә карата хөрмәт һәм мәхәббәт формалаштыруга ярдәм итә, шулай ук якыннарың турында кайгыртырга һәм туганлык мөнәсәбәтләренең кадерен белергә өйрәтә.