АГРОВОЛГА 2025.

  Бүген «АГРОВОЛГА 2025»халыкара агросәнәгать күргәзмәсе эшли башлады. Татарстан Республикасы Рәисе Рөстәм Миңнеханов республиканың агросәнәгать секторында кулланыла торган яңа техниканы, инженерлык алымнарын бәяләде. Күргәзмәдә авыл хуҗалыгы техникасы һәм җайланмалары, үсемлекчелек, терлекчелек, эшкәртү технологияләре, АПК өчен хезмәт күрсәтү юнәлешләре буенча экспозицияләр тәкъдим ителгән. «АГРОВОЛГА гүзәле»сөтчелек юнәлешендә эре мөгезле терлекләр үрчетү буенча IV республика конкурсын ачу тантанасы булды.  «BELARUS» «МТЗ-ШОУ» газ-моторлы тракторларны профессиональ йөртү буенча республика чемпионатында механизаторлар үзләренең трактор йөртү осталыкларын күрсәтте. Эшлекле программага игенчелек, терлекчелекне үстерү, агросәнәгать комплексын цифрлаштыру һәм икътисад мәсьәләләре буенча түгәрәк өстәл, семинарлар һәм мастер-класслар керә.