Гаилә мәнфәгатьләрен яклау мәсьәләләре буенча Бөтенроссия хокукый ярдәм атналыгы.

  2025 елның 7 июленнән 13 июленә кадәр Россиядә традицион рухи-әхлакый кыйммәтләрне саклау һәм ныгыту буенча дәүләт сәясәтен гамәлгә ашыру кысаларында гаилә мәнфәгатьләрен яклау мәсьәләләренә багышланган Бөтенроссия хокукый ярдәм атналыгы уза.Ул - гаилә һәм никахны яклаучы изге Петр һәм Феврония Муромскийларга, Гаилә, мәхәббәт һәм тугрылык көненә багышлана.       Бу мөһим вакыйга гаилә кыйммәтләрен яклауга, ата-ана һәм балаларга ярдәм итүгә, шулай ук гражданнарга хокукый агартуга юнәлдерелгән. Гаилә мәнфәгатьләрен яклау мәсьәләләре буенча Бөтенроссия хокукый ярдәм атналыгы кысаларында гаиләгә һәм балаларга социаль ярдәм күрсәтү бүлегендә "Гаиләләргә һәм балаларга ярдәм итү мәсьәләләре буенча диалог" ата-аналар очрашуы оештырылды. Очрашуда район үзәк район хастаханәсе, ЦЗН, Пенсия фонды бүлеге, опека һәм попечительлек органнары, "Игелек берлеге" гаилә клубы рәисе чакырылган иде. Диалогта күп балалы, тәрбиягә бала алган гаиләләр, инвалид балалар тәрбияләүче гаиләләр катнашты. Диалог барышында ата-аналарга ташлама, түләүләр, дарулар бирү мәсьәләләре аңлатылды, пенсия характерындагы сорауларга җаваплар бирелде, гаилә хокукларын һәм мәнфәгатьләрен яклау мәсьәләләре буенча белешмәлек һәм мәгълүмати буклетлар тәкъдим ителде.