Көнкүреш техникасын ремонтлаганда кулланучы хокуклары.

  Халыкка көнкүреш хезмәтләре күрсәткәндә кулланучы хокукларын яклау даирәсе иң мөһим өлкәләрнең берсе булып тора. Нәкъ менә шушы өлкәгә кешеләр көн саен очраша торган эш һәм хезмәтләр керә бит. Көнкүреш техникасын ремонтлау буенча хезмәтләр күрсәтү эшчәнлеге «Кулланучы хокукларын яклау турында» 1992 елның 7 февралендәге 2300-1 номерлы Россия Федерациясе Законы, РФ Хөкүмәтенең 2020 елның 21 сентябрендәге 1514 номерлы карары белән расланган Көнкүреш хезмәтләре күрсәтү кагыйдәләре (алга таба — кагыйдәләр) белән регламентлана. Башкаручы күрсәтелә торган хезмәтләр турында түбәндәге мәгълүматны кулланучыларга җиткерергә тиеш ( РФ Хөкүмәтенең 2020 елның 21 сентябрендәге 1514 номерлы карары белән расланган Россия Федерациясендә халыкка көнкүреш хезмәте күрсәтү кагыйдәләренең 3 пункты ) : - күрсәтелә торган хезмәтләр исемлеге, аларны күрсәтү рәвешләре яисә шартлары; - хезмәтләр күрсәтелә торган стандартларны (булган очракта) билгеләүне күрсәтү; - эшләрне башкару сроклары; - хезмәт күрсәтү (эш)характерыннан чыгып, әлеге күрсәткечләр әһәмияткә ия булса, хезмәт күрсәтәчәк конкрет зат турында мәгълүматлар; - кулланучы өчен хезмәт күрсәтү куркынычсызлыгын тәэмин итәргә, шулай ук кулланучы мөлкәтенә зыян китерүне булдырмый калырга тиешле таләпләр; - хезмәтләр күрсәтү турында шартнамәләр (квитанцияләр, башка документлар) үрнәкләре; - ташламалар алу хокукына ия кулланучылар категорияләре исемлеге, шулай ук федераль законнар һәм Россия Федерациясенең башка норматив хокукый актлары нигезендә хезмәт күрсәткәндә күрсәтелә торган ташламалар Исемлеге. Мәгълүмат халыкка къренщ торган унайлы урында булырга тиеш. Башкаручы хезмәтне эшләрне башкару турында шартнамәдә каралган срокларда күрсәтергә тиеш. Күрсәтелгән шартнамәдә хезмәт күрсәтүнең факттагы датасы турында тамга ясала. Хезмәт күрсәтү турында шартнамә төзүне раслый торган документта күрсәтелгән эшләнмә (әйбер), әлеге документ югалган очракта, кулланучының паспортын яисә кулланучының шәхесен таныклый торган башка документын күрсәтү буенча язма гаризасы нигезендә бирелә. Ремонтланган көнкүреш Радиоэлектрон аппаратурасын, көнкүреш машиналарын һәм приборларын биргәндә башкаручы аларны карарга һәм аларның эшен күрсәтергә тиеш. Шартнамәдән эш нәтиҗәсен начарайта торган чигенүләр яисә эштәге башка кимчелекләр ачыкланганда, кулланучы бу хакта башкаручыга әйтергә тиеш. Күрсәтелгән кимчелекләр актта йә кабул итүне таныклый торган башка документта тасвирланырга тиеш. Эшне кабул итеп алганнан соң анда хезмәт күрсәтү турында шартнамәдән чигенүне яисә кабул итүнең гадәти ысулы вакытында ачыклана алмаган башка кимчелекләрне (яшерен кимчелекләрне), шул исәптән башкаручы белә торып яшергән кимчелекләрне тапкан кулланучы бу хакта башкаручыга аларны табу буенча тиешле срокта хәбәр итәргә тиеш. Хезмәт күрсәтү турындагы шартнамә буенча йөкләмәләрне үтәмәгән йә тиешенчә үтәмәгән өчен башкаручы Россия Федерациясе законнарында һәм Шартнамәдә каралган җаваплылык тота.