ТЕРРОРЧЫЛЫККА КАРШЫ КУРКЫНЫЧСЫЗЛЫК БЕЛЕШМӘСЕ.

  Хөрмәтле Аксубай районы халкы! Аксубай муниципаль районының террорчылыкка каршы комиссиясе чираттагы тапкыр террорчылыкка каршы куркынычсызлык чараларын тайпылышсыз үтәү турында искә төшерә. Кайбер кагыйдәләрне истә тотарга һәм үтәргә кирәк: Күзәтүчән булыгыз! Тик сез генә үз подъездыгызда, ишегалдыгызда, урамыгызда әйберләрне һәм чит кешеләрне вакытында күрә аласыз. Уяу булыгыз! Әйләнә-тирәдәгеләрнең үз-үзләрен тотышына, хуҗасыз һәм шартларга туры килми торган предметларның булуына игътибар итегез. Үз йортыгызны тәртипкә китерегез: подъездга домофонлы тимер ишек куегыз, подвалларның, чормаларның һәм техник биналарның ябылуын көн саен тикшерегез. Беркайчан да саклау яки башка затка тапшыру өчен иң куркынычсыз булган әйберләрне дә алмагыз. Шикле нәрсәгә якын бармагыз: бу сезнең гомерегезне өзәргә мөмкин. Балаларыгызны куркынычсызлык чараларына өйрәтегез: урамда таныш булмаган кешеләр белән сөйләшмәскә,  ишек ачмаска, хуҗасыз уенчыкларга, табылдыкларга кагылмаска кирәк. Сезгә диверсия-террорчылык акцияләрен әзерләү һәм башкару билгеләре күренгән теләсә нинди шикле затларга карата мәгълүматны түбәндәге телефоннар аша тапшыруны сорап мөрәҗәгать итәбез: Россия Эчке эшләр министрлыгының Аксубай районы буенча бүлегенә «02» номеры буенча, кәрәзле телефоннан «102» яисә 2-72-06 номеры буенча. Аксубай районы буенча ЕДДС: 112 Шулай ук искә төшерәбез! Террорчылык акты турында алдан ук ялган хәбәр иҗтимагый куркынычсызлыкка каршы җинаять булып тора, һәм РФ Җинаять Кодексының 207 статьясы нигезендә 500 мең сумга кадәр штраф, 3 елга кадәр иректән мәхрүм итү рәвешендә җәза каралган. Онытмагыз! Күрсәтелгән кагыйдәләрне үтәү сезгә гомерегезне һәм сәламәтлегегезне сакларга ярдәм итәчәк! Уяулык даими һәм актив булырга тиеш!