Татарстан Республикасы көллиятләре һәм техникумнары буенча навигатор.

  Эшче һәм инженер һөнәрләрен популярлаштыру, шулай ук һөнәри белем бирү системасын үстерү максатларында икътисадның реаль секторын квалификацияле кадрлар белән тәэмин итү өчен Татарстан Республикасы Мәгариф һәм фән министрлыгы тарафыннан «һөнәри компетенцияләрне үстерү үзәге» автоном коммерциягә карамаган оешмасы белән берлектә Татарстан Республикасы колледжлары һәм техникумнары буенча навигатор эшләнде. Навигатор мәктәпне тәмамлаучыларга һөнәр, белгечлекләр һәм республиканың һөнәри белем бирү оешмаларын сайлауда ярдәм итү өчен билгеләнгән түләүсез мәгълүмати платформа булып тора. Платформа укучыларга булачак һөнәрне яки белгечлекне үзләрен кызыксындырган тармак нигезендә сайларга мөмкинлек бирә. Сайланган юнәлеш нигезендә система әлеге һөнәр яисә белгечлек буенча әзерлек алып баручы Татарстан Республикасының һөнәри белем бирү оешмалары исемлеген тәкъдим итәчәк, анда учреждениеләрнең контакт белешмәләре һәм алар белән алга таба танышу өчен аларның рәсми мәгълүмат ресурсларына сылтамалар күрсәтелә. Хәзерге вакытта платформа пилот режимында эшли һәм түбәндәге сылтама буенча табарга  мөмкин: https://proskills.tatar/navigator.