Аксубай балалар сәнгать мәктәбе"Татарстанда җәй"республика проекты кысаларында халык өчен күршелек бәйрәме оештырды.

  Район җитәкчесе Алмаз Мингулов барысын да сәламләде, тынычлык һәм муллык, туган бистәне саклап калуны теләде. Тамашачылар алдында сәнгать мәктәбе укытучылары, чыгарылыш укучылары һәм яшь талантлар чыгыш ясады-концерт программасы бик бай һәм күңелгә үтеп керә торган булды. Һәр номер бердәм алкышлар белән каршы алынды, ә катнашучыларның энергиясе һәм кәефе барлык кунакларга йокты . Сәнгать бүлеге педагогы Кристина Николаевна Серкованың рәсем сәнгате буенча мастер-классы аеруча игътибарны җәлеп итте. Олылар да, балалар да бик теләп үзләрен рәссамнар ролендә сынап карады, җәйге фестиваль истәлегенә якты эшләр иҗат иттеләр. Бәйрәм үз программаларын әзерләгән «Движение первых» һәм «Форпост» иҗтимагый берләшмәләре катнашуы белән тагын да кызыклы булды. Барлык оештыручыларга, катнашучыларга һәм кунакларга рәхмәт! Җәй көне районыбыз кешеләре берләшүен, көнкүрешнең якты вакыйгалар белән тулылануын һәм уңай якка үзгәреш күрү шатландыра. Без бергәләп күршелек атмосферасы тудырып  районыбызның иҗади традицияләрен үстерәбез.