Өйдә социаль хезмәт күрсәтү бүлегендә инновацион технология-ретро-терапия (хатирәләр белән терапия) актив кулланыла.

  Өлкән яшьтәге кешеләрнең үз ресурсларыннан файдалануы социаль ярдәмнең перспективалы ысулларының берсе булып тора, алар арасында истәлекләр дә зур әһәмияткә ия. Истәлекләр элеккеге социаль рольләрне югалтуны компенсацияләргә һәм яңаларын актуальләштерергә, үз-үзеңне югары дәрәҗәдә бәяләргә һәм өлкән яшьтә яшәү мәгънәсен эзләүдә ярдәм итәргә сәләтле. Социаль хезмәтләр алучы социаль хезмәткәр белән шәхси әңгәмәдә тормыш вакыйгаларын искә төшерә һәм тасвирлый. Болар барысы да архивтагы шәхси фотографияләрне карау белән бергә бара. Истәлекләр өлкән яшьтәге кешеләргә үзләренең тормыш тәҗрибәләрен тиешенчә бәяләргә, гомер буе тупланган белем багажын аңларга мөмкинлек бирә. Бу процедура пенсионерларның яше буенча үзгәреп торучы яшәү шартларына җайлашуына уңай йогынты ясый, шулай ук социаль хезмәткәргә хезмәт күрсәтелә торган кешеләрнең реаль ихтыяҗларын һәм таләпләрен күрергә ярдәм итә. Моннан тыш, хатирәләр өлкән яшьтәге кешенең тормышын эмоциональ яктан тулыландыра, психологик адаптациянең яхшы формасы булып тора.