Мәктәп укучыларын ТР мәктәп урманчылыкларының «Урманны бергә саклыйк»VIII слетына әзерләү.

  Исегезгә төшерәбез, Татарстан Республикасы мәктәп урманчылыкларының «Урманны бергә саклыйк» VIII слеты 23 июльдән 25 июльгә кадәр «Лубян урман-техника көллияте»ДБҺБУ базасында узачак. Аксубай районыннан слетта биология һәм химия укытучысы Надежда Панюкова җитәкчелегендә Аксубайның 2нче урта мәктәбе, 9нчы сыйныфның өч укучысы катнашачак. « Аксубай урманчылыгы» ДКУ белгечләре балаларга буссольдән ничек файдаланырга, урман утыртуның төп ысуллары , үсемлекләрне яфраклары һәм үсентеләре буенча билгеләргә, янгынны ничек дөрес сүндерергә, урман хуҗалыгында машиналарны куллану турында сөйләде. Укучылар урман хуҗалыгы турында белем һәм күнекмәләрне рәхәтләнеп тыңлады. Яшь урманчыларыбызга уңышлар телик!