Җәйге акция " Эсселек башланды. Үзәктә-гаилә»
Озак эш атнасыннан соң җомга кичендә Аксубай халкы Үзәк паркта ял итәргә, “Эсселек башланды. Үзәктә - гаилә" җәйге акциясе кысаларында уза торган бәйрәм программасы белән ләззәтләнергә мөмкинлек алды. Концерт программасы Халыкара гаилә көнен бәйрәм итү уңаеннан уздырылды. Котлау сүзләре белән Аксубай муниципаль районы Башкарма комитеты җитәкчесе Алмаз Минвазыйх улы һәм Татарстан Республикасы Хезмәт, халыкны эш белән тәэмин итү һәм социаль яклау министрлыгының социаль яклау бүлеге җитәкчесе Елена Сергеевна чыгыш ясады. Чара барышында «Күпбалалы гаилә» таныклыгын түбәндәге гаиләләр алды: Авандеевлар — Алексей Анатольевич һәм Анжелика Евгеньевна, Ендерюковлар — Александр Иванович һәм Татьяна Алексеевна. Төбәкнең мәдәниятен үстерүгә зур өлеш керткәне, «Татарстанның мәдәни башкаласы» республика конкурсы кысаларында оештырылган чараларда актив катнашканы һәм булышлык күрсәткәне өчен Мантова Лилия Васильевна Татарстан Республикасы Мәдәният министрлыгының Рәхмәт хатына лаек булды.
Тантаналы өлештән соң концертның бәйрәм рухын район мәдәният йорты артистлары, Мюд авыл клубының «Ивушка» вокаль ансамбле чыгышы һәм «Нептун»күңелле программасы дәвам итте. Балалар яраткан мультфильм геройлары белән мавыктыргыч сәяхәткә чумды, уеннарда, бию флешмобларында актив катнашты, су һәм төрле төстәге сабын куыклары белән уйнаудан ләззәтләнеп, бик күп уңай эмоция һәм бүләкләр алды. Җомга кичендә бәйрәм энергияле дискотека белән тәмамланды, анда өлкәннәр яраткан музыка ритмнарына бии алды.