«Балага мәктәпкә җыенырга ярдәм ит» республика хәйрия акциясе.

  Хәйрия эшчәнлеге мәсьәләләре буенча Аксубай район Советы, «Бердәм Россия» партиясенең Татарстан төбәк бүлеге 2025 елның 1 июленнән 25 августына кадәр районда «Балага мәктәпкә җыенырга ярдәм ит»республика хәйрия акциясе уздыра. Акциянең төп максаты: -аз керемле гаиләләрдәге балаларга, ятим балаларга, күпбалалы гаиләләрдәге балаларга һ. б. уку өчен иң кирәкле әйберләрне (мәктәп портфелен, язма кирәк-яраклар җыелмасын)сатып алуда ярдәм күрсәтү; - яңа олы тормышка аяк басучы беренче сыйныф укучыларын психологик адаптацияләү өчен уңайлы шартлар тудыру; - тормышларының иң мөһим көннәренең берсендә яшь гражданнарга карата җәмгыятьтә үзара ярдәмләшү, гомуми кайгырту һәм игътибар атмосферасы формалаштыру.               2025 елның 1 сентябрендә Аксубай муниципаль районында беренче тапкыр беренче сыйныфка 179 беренче сыйныф укучысы барачак. Аларның 98е безнең ярдәмгә мохтаҗ (48-малай, 50-кыз). Шуңа бәйле рәвештә, республика акциясенә ярдәм итәргә һәм «Балага мәктәпкә җыенырга ярдәм ит» хәйрия акциясен үткәрүдә актив катнашырга һәм беренче сыйныф укучысына портфель (рюкзак) һәм канцелярия кирәк-яраклары комплекты сатып алу өчен иганәчелек ярдәме күрсәтергә тәкъдим итәбез. Акчаларны сез түбәндә күрсәтелгән исәп-хисап счетына күчерә аласыз яки акчалата «Квант» ҖЧҖ бухгалтериясенә түбәндәге адрес буенча тапшыра аласыз: Аксубай ш.т.п ., Ленин урамы, 1 йорт (тел.2-90-00). «Квант» ҖЧҖ (Интеркомпсервис) җыйган акчаларга кирәкле канцелярия товарлары сатып алыначак һәм мәктәп портфельләре тупланачак. 2025 елның август аенда «Мәгариф бүлеге» МКУ аша уздырыла торган тантаналы чараларда 2025 елның 25 августына кадәр беренче сыйныф укучыларына портфельләр тантаналы рәвештә тапшырылачак, аларны районның «Сельская Новь» газетасында һәм Аксубай муниципаль районы сайтында  яктырту булачак.             Быел беренче сыйныф укучысы өчен канцелярия кирәк-яраклары белән комплектланган бер портфельнең бәясе 2600 сум тәшкил итә.