Казанда «Русское поле – 2025" Бөтенроссия форумы узачак.

  «Русское поле – 2025» Бөтенроссия селекционерлар һәм орлыкчылар форумы Казанда 20-21 август көннәрендә узачак. Аны Россия Федерациясе Авыл хуҗалыгы министрлыгы ярдәмендә Милли орлык альянсы оештыра. Чарага әйдәп баручы галимнәр, бизнес һәм аграр белем бирү вәкилләре җыелачак. Форум Россиядә селекция һәм орлыкчылыкны үстерүнең актуаль мәсьәләләре һәм стратегик перспективалары буенча фикер алышу өчен төп мәйданчык булачак. Россия Федерациясе Авыл хуҗалыгы министры Оксана Лут үткәргән пленар утырыш үзәк вакыйга булачак. Анда селекция һәм орлыкчылык өлкәсендә дәүләт сәясәтенең төп мәсьәләләре турында фикер алышачаклар. Чара кысаларында тематик түгәрәк өстәлләр планлаштырылган. Катнашучылар шулай ук демонстрацион кырларда Россия селекциясенең перспективалы сортлары һәм авыл хуҗалыгын алып баруның инновацион ысуллары белән таныша алачак. Форумда катнашу өчен алдан теркәлү кирәк. Нечкәлекләре-сайтта.