Аксубай районында күршелек бәйрәме: ишегалды бердәм гаиләгә әверелгәч.

  Аксубай районында Рөстәм Нургали улы Миңнеханов ярдәмендә үткәрелгән «Курше» һәм «Татарстанда җәй» проектлары кысаларында Октябрь урамы, 14, 16 һәм 16а йортларында күршелек бәйрәме узды. Чара ишегалдында яшәүчеләрне дустанә атмосферада берләштерде: музыка яңгырады, мастер-класс, уен һәм конкурслар үткәрелде. Күп балалы гаиләләрне һәм яңа туган балаларны бүләкләү аеруча дулкынландыргыч момент булды. Оештыручылар күршеләр арасындагы элемтәне ныгытуга ярдәм итүче якты һәм җылы мохит тудырды. Мавыктыргыч спорт уеннары уздырган «Беренчеләр хәрәкәте» активистларына, шулай ук «Татарстан — Яңа гасыр» оешмасының җирле бүлекчәсе рәисе, китапханә директоры Ирина Анатольевна Телешевага әлеге бәйрәмне оештырган һәм үткәргән өчен аерым рәхмәт. Мондый бәйрәмнәр үзара ярдәмләшү һәм бердәмлекнең мөһимлеген искә төшерә, районда тормышны уңайлы һәм тату итә.