Аксубай районында яңа прокурор билгеләнде.

  Россия Федерациясе Генераль прокурорының 2025 елның 24 июлендәге боерыгы белән Аксубай районы прокуроры вазыйфасына юстициянең кече киңәшчесе Низамов Динар Әгъзаметдин улы билгеләнде. Динар Әгъзаметдин улы 1989 елның 3 февралендә Казанда туган. Прокуратура органнарында хезмәтен ул 2014 елда Тәтеш районы прокуроры ярдәмчесе вазифасында башлаган. 2019 елның июленнән 2022 елның февраленә кадәр Арча районы прокуроры ярдәмчесе вазифасын башкара. Соңгы өч елда, 2022 елның февраленнән 2025 елның июленә кадәр, Балтач районы прокуроры урынбасары вазифасында эшли. Прокуратура органнарында хезмәт иткән вакытта Динар Низамов үзен профессиональ һәм компетентлы белгеч буларак танытты. Аксубай районы прокуроры вазыйфасына билгеләнүе аның һөнәри казанышларын һәм оештыру сәләтләрен тану булып тора.