Янгынга каршы әһәмияттәге юлларны реконструкцияләү һәм төзү.

  «Аксубай урман хуҗалыгы» ДБУ Дәүләт урман фондының Аксубай, Ибрай, Чабаксар кишәрлек урманчылыкларында янгынга каршы әһәмияттәге юлларны реконструкцияли һәм төзи. Гомуми озынлыгы 14 км. Урманнарны янгыннан саклау өчен каралган урман юллары, янгын куркынычы булган  участокларга сулыкларга автотранспорт йөрүен тәэмин итү өчен, булган урман юллары челтәренә өстәмә рәвештә төзелә. Урманнарны янгыннан саклау өчен билгеләнгән юлларны реконструкцияләү эшләренә юл өслеген, канаулар, инешләр аша чыгу урыннарын (күперләрне) чистарту һәм тигезләү һ. б. керә.