ТР Аксубай районы белән "Инвестиция сәгате".

  8 августта республиканың инвестицион үсеш агентлыгында Татарстанның Аксубай районында «Муниципаль инвестицион сәгате» узды. Районның инвестицион потенциалы турында Башкарма комитет җитәкчесе Алмаз Мингулов сөйләде. Иң ачык мисалларның берсе эшмәкәр Анатолий Самаренкинның «гөмбә паркы» булды. 2 га мәйданда (71% ка тутырылган) ай саен 6 тонна гөмбә үстерелә. Продукция сәүдә челтәрләренә һәм рестораннарга җибәрелә. 7 айда предприятиенең кереме 17 млн сумга җиткән. Ташландык биналар урынында төзелгән «Аксубай " сәнәгать паркы да үсеш кичерә. Бүген территориядә 10 резидент эшли. Капитал салуларның гомуми күләме 200 млн сумга якын. Компанияләр металл эшләнмәләр җитештерү, агач эшкәртү, мәрмәр эшкәртү буенча махсуслашалар. Якын арада парк яңа резидент белән тулыланачак — «Технокор» ҖК ҖЧҖ, ул парк яктырткычлары җитештерүне башлап җибәрәчәк. Проектны 2025-2026 елларда 7 эш урыны булдырып гамәлгә ашыру планлаштырыла. Булачак резидентлар өчен яңа җитештерү биналары төзү өчен участоклар әзерләнгән. "Татар-информ" МА