Аксубай районы фермерлар һәм эшмәкәрләр делегациясе Чүпрәле һәм Буа районнарында булды.

  8 августта район фермерлары һәм эшкуарлары Аксубай муниципаль районының авыл хуҗалыгы һәм азык-төлек идарәсе башлыгы Соломонов Б.А. җитәкчелегендә Чүпрәле районында авыл хуҗалыгы кооперациясе үсешен өйрәнде. "Дуван бакчалары" СПССК рәисе Альфред Хәйруллин җиләк үстерү белән шөгыльләнүче район эшмәкәрләренә бу юнәлештәге эшнең нечкәлекләре һәм җиләк-җимеш үстерүдә яңа юнәлешләр кертеп, дәүләт ярдәме программаларында катнашып бизнесны ничек оештырып була икәне турында сөйләде. Бүгенгә Альфред Хәйруллин хуҗалыгында 193 гектар алма бакчасы, 63 гектар карлыган, 12 гектар җиләк бар. Авыл хуҗалыгы кооперациясен үстерү программасы буенча саклагыч төзеп киләчәктә продукцияне эшкәртүне башлап җибәрү планлаштырыла. Аннары "Дуслык" АХПССК терлек сую пунктында булдылар. Шулай ук эш башлаучы авыл хуҗалыгы кооперативларын үстерү программасы буенча төзелгән. Буа районында Бик Үти авылында 70 гектар мәйданда Дәүләтшин М.С. КФХының җиләк-җимеш бакчасы үсеше белән таныштылар. Бакча заманча эремә төене белән җиһазландырылган, аннан һәр агачка тамчылап су сибү системасы буенча туклану килә. Бүген бакчада алманың иртә сортларыннан актив уңыш җыю бара. Параллель рәвештә саклагыч һәм җиләк эшкәртү пункты төзелә. Районның ит терлекчелеге белән шөгыльләнүче эшкуарлары Буа шәһәренең терлек сую пунктында суюны оештыруны карап чыкты. Аксубай муниципаль районы кабул итүче якка, Татарстан Республикасының Чүпрәле һәм Буа районнарына зур рәхмәт белдерә. Сәфәр нәтиҗәләре буенча эшмәкәрләр үсеш планнарын билгеләде һәм агымдагы эшчәнлек алып бару буенча күп кенә җаваплар алды.