"Тәмле һәм файдалы": "Мечта" да тәрбияләнүчеләр витаминлы салатлар әзерли.

  "Мечта "социаль приютында тормыш һәм иҗат кайный! "Вкуснодром" түгәрәген гамәлгә ашыру кысаларында "Витаминлы салатлар" мастер-классы үткәрелде, ул укучыларга яңа белемнәр генә түгел, бик күп уңай эмоция дә бүләк итте. Кулинария тылсымына тотыныр алдыннан балаларга гигиена һәм ризыкларны дөрес эшкәртүнең мөһимлеген искә төшерделәр: яхшылап юу, чистарту һәм пөхтә итеп турау – тәмле һәм куркынычсыз ризыкның нигезе. Пычак белән эшләгәндә куркынычсызлык техникасына аерым игътибар бирелде: җәрәхәтләнмәс өчен ничек дөрес тотарга, ничек кисәргә. Чын пешекчеләргә әверелеп, алъяпкыч һәм калпак киеп, балалар кулларын яхшылап юды һәм ике командага бүленде. Бер команда  җиләк – җимеш салаты булдыруга, ә икенчесе файдалы яшелчә миксы әзерләүгә алынды. Җиләк-җимеш һәм яшелчәләрне мөстәкыйль кисеп, балалар аларның файдалы үзлекләре турында белде. Алма тимергә бай, кишер күрүне яхшырта, ә әфлисун иммунитетны ныгыта – һәр ингредиент витаминлы коктейльгә үз өлешен кертә. Һәм менә, барлык ингредиентлар тоташтырылган, җиләк – җимеш салатына йогурт, ә яшелчәгә хуш исле каймак салынган. Дегустация вакыты җитте! Балалар куанып һәм аппетит белән үзләренең кулинария шедеврларын татып карады. "Витаминлы салатлар" һәркемгә ошады! Мастер-класс чын мәгънәсендә зәвык һәм файдалы белем бәйрәменә әверелде. Балалар үзләреннән бик канәгать калды, чөнки алар тәмле һәм файдалы салатлар әзерләргә өйрәнеп кенә калмады, киләчәктә кирәк булачак кыйммәтле күнекмәләр дә алды. "Вкуснодром" түгәрәге "Мечта " социаль приютында тәрбияләнүчеләрне яңа кулинария ачышлары белән сөендерүен дәвам итә, сәламәт туклануга мәхәббәт тәрбияли һәм иҗади сәләтләрен үстерә. Алда тагын бик күп кызыклы һәм тәмле мастер-класслар көтә!