Химия укытучылары форумы.

  Түбән Камада ТР Мәгариф һәм фән министрлыгы тарафыннан Россиянең «СИБУР» нефть химиясе компаниясе белән берлектә оештырылган химия укытучыларының «Хәзерге заман мәгариф чынбарлыгы шартларында химик белем бирү: стратегияләр, өстенлекләр һәм бурычлар»дигән беренче республика педагогик форумы узды. Форумга республиканың әйдәп баручы белгечләре — химия укытучылары, мәгариф учреждениеләре җитәкчеләре һәм министрлык вәкилләре җыелды. Чара бер үк вакытта өч белем бирү мәйданчыгында: НХТИ,  Бакый Урманче исемендәге 2 нче гимназия һәм «Адымнар – Түбән Кама»полилингваль гимназиясендә узды. Форум кысаларында безнең район делегациясе педагогик технологияләр һәм инженерлык инновацияләре өлкәсендәге иң яхшы тәҗрибәләр белән танышты, мастер-классларда һәм практикумнарда актив катнашты.