Социаль хезмәткәрләр тәрбияләнүчеләргә кышка әзерләнергә булыша: бергәләп консервация ясый!

  Урып-җыю чорында безнең тәрбияләнүчеләр турында кайгырту тагын да мөһимрәк була бара. Өлкәннәргә ярдәм итү өчен социаль хезмәткәрләр кышка әзерлек эшләренә актив кушылды! Тәрбияләнүчеләр белән бергә тәмле һәм файдалы яшелчә консервалары: шыгырдап торган кыяр, сусыл томат, хуш исле җиләк-җимеш  әзерлиләр. Кыш көне якыннарын сөендерү һәм витаминнар җыю өчен хуш исле варенье һәм компот кайнаталар. Консервлау-ул азык-төлек туплау ысулы гына түгел, ә аралашу һәм тәҗрибә уртаклашу өчен менә дигән мөмкинлек тә. Безнең социаль хезмәткәрләр тикшерелгән рецептларның серләре белән рәхәтләнеп уртаклаша һәм эшне башкарып чыгарга ярдәм итә. Уртак тырышлык нәтиҗәсендә  кыш җылырак һәм тәмлерәк булыр дип ышанабыз!