Шушы көннәрдә Карасу мәктәбе берьюлы ике истәлекле датаны билгеләп үтте: беренче училищега нигез салынуга 124 ел һәм заманча бинаның 30 еллык юбилее.

  Мәктәп тарихы туган авылы тарихы белән тыгыз бәйләнгән. Тарихның беренче бите 1901 елда, Карасу бер сыйныфлы земство училищесы ачылгач языла. Ул авылның матур почмагында урнашкан, ә борынгы нигез калдыклары әле дә безгә шул заман турында искә төшереп тора. Кайчандыр мәктәп биләгән урын әлегә кадәр «Укытучылар бүлмәсе»дип атала. 1919 елда башлангыч мәктәп ачыла. Авылда Совет власте урнаштырылганнан соң училищены мәктәпкә үзгәртәләр. Бөек Ватан сугышы еллары мәктәп өчен чын сынау була. 1934 елда төзелгән бина, авыр вакытларга карамастан, күп буын укучыларына белем алырга һәм үсәргә мөмкинлек бирә. XX гасыр ахырында заманча мәктәп төзү ихтыяҗы туа. Директор Вәсилә Шәрифҗан кызы Гыйматдинованың тырышлыгы  нәтиҗәсендә 1995 елда яңа таш мәктәп беренче укучыларын кабул итә.