"Алма спасы" бәйрәме.

  Җәй үзенең җәйге программасы белән сөендерүен дәвам итә һәм «Татарстанда җәй» проекты кысаларында узган якшәмбедә үзенчәлекле, күңелле һәм җылы «Алма спасы» бәйрәме узды.Аны Аксубай районы Кәкре Күл авылында яшәүчеләр инде унынчы ел рәттән билгеләп үтә. Алмаз Минвазых улы Миңнегулов барлык катнашучыларны чын күңелдән сәламләде, халыкка ныклы сәламәтлек, яхшы кәеф, иминлек теләде һәм махсус хәрби операциядә катнашучыларның гаиләләренә рәхмәт белдерде. Бәйрәм программасы күңел ачу чараларына бай булды: чибәр кызлар үзләренең биюләре белән тамашачыларны сөендерде, талантлы, иҗат коллективлары ялкынлы җырлар башкарды, атмосфера күңелле һәм җылы булды. Катнашучылар конкурсларда актив катнашты, хуш исле бал һәм тәмле коймак белән сыйландылар, шулай ук кулинария осталыгы фестивалендә аппетитлы алма бәлешләрен татып карадылар. Конкурсның җиңүчесен тамашачылар тәкъдим ителгән ризыкларны татып караганнан соң билгеләделәр.   Шулай итеп, оештыручылар җирле халык һәм авыл кунаклары арасында онытылмаслык гаилә ялы һәм җылылык атмосферасы булдыра алды. Искиткеч бәйрәмегез өчен рәхмәт!