"Эсселек башланды" йомгаклау бәйрәм концерты.

   Бер җомга да калмыйча, Аксубай район мәдәният йорты «Татарстанда җәй»проекты кысаларында район халкын һәм кунакларын үзенең якты җәйге программасы белән сөендерүен дәвам итә. 15 августта " Эсселек башланды. Үзәктә-гаилә», район мәдәният йорты оештырган йомгаклау бәйрәм концерты булды. Кичә Алмаз Миңнегуловның сәламләү сүзе белән башланып китте. Ул җирле халыкның җәйге мәдәни чараларда актив булуын ассызыклады һәм «Мәктәпкә җыенырга ярдәм ит»акциясе кысаларында беренче сыйныф укучыларына букчалар тапшыру тантанасы башлануын игълан итте. Предприятиеләргә, депутатларга һәм авыл җирлекләренә киләсе уку елына ярдәмнәре өчен рәхмәт белдерде. Барысына да яхшы кәеф, сәламәтлек һәм иң изге теләкләр теләде. Алга таба беренче сыйныф укучыларын мәгариф бүлеге начальнигы Рәмзия Зәйдуллина җылы сәламләде, ул ата-аналарга һәм балаларга үз теләкләрен җиткерде. Чыгышлар тәмамлангач, сәхнәгә яшь катнашучылар чыкты, аларның һәркайсына тантаналы рәвештә яңа мәктәп рюкзагы тапшырылды. Бу тантана нәни катнашучыларның йөзләрендә чын күңелдән шатлык һәм җылы елмаю уятты. Традиция буенча һәр атна «Безнең ишегалды»республика программасында актив катнашучыларны билгеләп үтәләр. Көчле алкышлар астында сәхнәгә район халкы чакырылды, аларга тантаналы рәвештә рәхмәт хатлары тапшырылды. Концерт тамашачыларга бик күп уңай эмоция һәм онытылмас мизгелләр бүләк иткән мавыктыргыч программа әзерләгән мәдәният хезмәткәрләренең матур чыгышлары белән дәвам итте. Үзләренең талантлы номерлары белән тамашачыларны район мәдәният йорты, балалар сәнгать мәктәбе иҗат коллективлары, Татар Сөнчәле мәдәният йортыннан «Ялкын» вокаль ансамбле, «Родник» вокаль коллективы, шулай ук Беловка авыл мәдәният йортыннан «Шур сал» ансамбле сокландырды. Җәй акрынлап ахырына якынлаша, җылы кояшлы көннәр белән саубуллашу күңелсез. Әмма ял итәргә һәм  " Эсселек китте. Үзәктә-гаилә"җәйге проектының соңгы концерты белән ләззәтләнергә мөмкинлек бар әле . Балалар сәнгать мәктәбенең йомгаклау чыгышы киләсе җомга көнне 19:00 сәгатьтә булачак.