Яңа уку елына мәктәпләрне кабул итү.

  Уку елы башланыр алдыннан барлык мәгариф оешмалары укыту һәм тәрбия эшчәнлеген алып баруга әзерлек буенча тикшерү уза-бу белем бирү процессында катнашучыларның барысы өчен дә үзенчәлекле имтихан. Аксубай муниципаль районында мәгариф учреждениеләре комиссиясе тарафыннан кабул итү 13-18 август көннәрендә Башкарма комитет раслаган график нигезендә узды. Тикшерү чаралары барлык 28 мәктәптә һәм 11 балалар бакчасында булды.   Комиссия әгъзалары мәгариф учреждениеләренең яңа 2025/2026 уку елына әзерлеген тикшерде: барлык эчке бүлмә һәм мәктәп территорияләре, янгын һәм террорчылыкка каршы куркынычсызлык, санитар-эпидемиологик, гигиена һәм медицина тәэмин ителеше, биналарның техник торышы тикшерелде. Монда вак – төяк юк, чөнки кабул итүнең сыйфатына безнең һәрберебез өчен иң кадерле нәрсә-балаларыбызның тормышы турыдан-туры бәйле.