Аксубай районында умарта ояларын идентификацияләү эше актив дәвам итә.

  Исегезгә төшерәбез, 2025 елның 1 сентябренә кадәр барлык бал кортлары да маркировкаланырга һәм исәпкә куелырга тиеш. 2024 елның 1 мартыннан Россиядә бал кортлары гаиләләренә мәҗбүри маркировка кертелгән. Бу авыл хуҗалыгы предприятиеләренә һәм фермерларга да, шәхси ярдәмче хуҗалыкларга да кагыла. Әлеге таләп терлекләрнең баш санын исәпкә алуга, авыруларның таралуын булдырмауга, бал кортларының килеп чыгышын һәм хәрәкәтен күзәтүгә юнәлдерелгән. Умарталарны исәпкә алу Россия Федерациясе Хөкүмәтенең 05.04.2023 № 550 карары һәм Россия Федерациясе Авыл хуҗалыгы министрлыгының 03.11.2023 № 832 боерыгы белән расланган терлекләрне маркировкалау һәм исәпкә алуның ветеринария кагыйдәләре белән җайга салына. Аерым бал кортларын чиплау таләп ителми — маркировкалауның группалы ысулы гына кулланыла. Һәр умарта гаиләсенә 11 тамгадан торган уникаль маркировка номеры (УНСМ) бирелә. Ул RU2 белән башлана һәм хайваннар төркемен күрсәтә, калган билгеләр — хәреф-сан эзлеклелеген. Һәр умарта оясын яисә умарта кортларын маркировкаларга кирәк. Моннан тыш, умартачылык турында 30.12.2020 № 490-ФЗ законы нигезендә һәр умарталыкка ветеринария-санитария паспорты рәсмиләштерергә кирәк. Безнең белән булыгыз! "Аксубай РДВБ" ДБУнең ветеринария яңалыкларына язылыгыз.