«Социаль туризм» проекты кысаларында социаль хезмәт алучылар чишмәдә булды.

  Чишмә - иң куәтле су чыганагы. Күз саф суның зәңгәрлегенә шатлана. Җир өстенә чыкканчы, су берничә тапкыр җирнең төрле катламнары аша үтеп чистартыла. Шуңа күрә чишмә суы һәрвакыт үтә күренмәлелеге, сафлыгы һәм тәме белән аерылып торган. Чишмә суы сусауны баса, рухландыра, сәламәтлекне ныгыта һәм савыктыра. Социаль хезмәт алучылар битләрен юды һәм үзләре белән су алдылар.  Саф һавада хәрәкәтле уеннар уйнап, көлеп һәм шатланып, балачакка чумдылар. Бу шифалы урынга килүчеләрнең барысы да яхшы кәеф һәм авырулардан арынуга өмет белән кайтты.