2 сентябрьдә Аксубай муниципаль районында ата-аналары алимент түләүдән баш тарткан балигъ булмаган балалы гаиләләргә хокукый ярдәм күрсәтү өчен чираттагы бердәм кабул итү көне узачак.

  Кабул итү 13.00 сәгатьтән Аксубай бистәсе, Ленин ур., 10 йорт адресы буенча урнашкан район Советы бинасында оештырыла. Гражданнарны кабул итү суд приставлары хезмәте, социаль яклау бүлеге, юридик бүлек, халыкка социаль хезмәт күрсәтү үзәге һәм опека һәм попечительлек бүлеге белән берлектә уза. Барлык сораулар да аерым контрольгә алына. Исегезгә төшерәбез, мондый тематик кабул итү көннәре традициягә әверелде һәм район халкы өчен һәр айның беренче сишәмбесендә үткәрелә.