Аксубай 1 нче мәктәбендә капиталь ремонт төгәлләнде.

  2025 елның 27 августында районыбызда зур капиталь ремонттан соң В.Г. Тимирясов исемендәге 1 нче урта мәктәпне ачу тантанасы булды. Тантаналы ачылышта ТР Мәгариф һәм фән министры урынбасары Рамил Камил улы Хәйруллин, Татарстан Республикасы Дәүләт Советының Законлылык һәм хокук тәртибе комитеты рәисе Александр Анатольевич Чубаров, ТР Дәүләт Советы депутатлары Фоат Вәли улы Вәлиев, Камил Камал улы Гыйльманов, В.Г. Тимирясов исемендәге Казан инновацион университеты ректоры Асия Витальевна Тимирясова, «Татех» АҖ генераль директоры Фәрит Җәүдәт улы Гыймранов, «Бердәм Россия» партиясенең җирле бүлекчәсе секретаре Алмаз Минвазыйх улы Мингулов, генерал-майор Анатолий Петрович Молоствов катнашты. «Мәктәпкә җыенырга ярдәм ит» акциясе кысаларында мәртәбәле кунаклар мәктәпнең барлык 23 беренче сыйныф укучысына  портфельләр тапшырды. Рөстәм Нургали улы Миңнехановка, Алмаз Минвазых улы Мингуловка мәктәпкә капиталь ремонт ясаулары өчен ихлас рәхмәтебезне белдерәбез. Тулысынча яңартылган бина хәзер күзне шатландыра, ә мәктәпне заманча укыту җиһазлары белән тәэмин итү укучылар өчен дә, укытучылар өчен дә уңайлы шартлар тудыра. Яңартылган мәктәп укучыларыбызның үсешенә һәм уңышларына ярдәм итәр дип ышанабыз.