«Мәктәп шатлыклары: укучылар өчен бүләкләр».

  Белем көне алдыннан Аксубай «Мечта» балалар һәм яшүсмерләр социаль приютында тәрбияләнүчеләр күңелле сюрприз алды Татарстан Республикасы буенча Росреестр Идарәсенең Аксубай бүлеге башлыгы Лилия Солтан кызы Сәхабетдинова «Мәктәпкә җыенырга ярдәм ит»хәйрия акциясе кысаларында балалар белән очрашты. Лилия Солтан кызы һәр балага яңа уку елына тулысынча әзер булсын өчен канцелярия кирәк-яраклары җыелмасын тапшырды. Ул балаларны якынлашып килүче 1 сентябрь белән котлады, укуларында уңышлар, кызыклы ачышлар һәм яңа белемнәр теләде. Визит приютта тәрбияләнүчеләр өчен чын бәйрәмгә әверелде һәм уку елы алдыннан аларга яхшы кәеф бүләк итте.