Аксубай урманчылыгында 2025 елның 7 аенда урманнарны саклау, яклау һәм торгызу буенча башкарылган эшләргә йомгаклар буенча фикер алыштылар.

  2025 елның 02 сентябрендә «Аксубай урманчылыгы» ТР ДКУ һәм «Аксубай урман хуҗалыгы»ТР ДБУ коллективлары катнашында киңәйтелгән киңәшмә узды. Киңәшмәдә Татарстан Урман хуҗалыгы министры урынбасары Рәис Гомәров һәм Аксубай муниципаль районы Башкарма комитеты җитәкчесе Алмаз Мингулов катнашты. 2025 елның 7 аенда урманнарны саклау, яклау һәм яңадан торгызу буенча башкарылган эшләр йомгаклары буенча төп нотык белән җитәкче-урманчы Андрей Ильмухин чыгыш ясады. Ул хәбәр иткәнчә, «экологик иминлек» милли проектының «Татарстан Республикасында урманнарны саклау» төбәк проекты буенча 24,5 гектар мәйданда урман торгызу эшләре башкарылган һәм 15 кг урман үсемлекләре орлыгы әзерләнгән. "Көзге урман культуралары сезоны кысаларында киләсе елның урман культуралары өчен 21 гектар мәйданда туфрак әзерләү һәм питомникта утырту материалын инвентаризацияләү планлаштырыла", - диде Андрей Ильмухин. Киңәшмәгә йомгак ясап, министр урынбасары Рәис Гомәров белгечләргә санитар-савыктыру чараларын үткәрү, көзге чорда урманнарда янгын куркынычсызлыгын тәэмин итү, урман комплексының федераль дәүләти мәгълүмат системасын кертү һ. б. белән бәйле берничә йөкләмә бирде.