Шторм кисәтүе.

  Хөрмәтле гражданнар! «Татарстан Республикасы Гидрометеорология һәм әйләнә-тирә мохитне мониторинглау идарәсе " ФДБУдан: Татарстан Республикасы территориясендә 2025 елның 13-14 сентябрендә төнге һәм иртәнге сәгатьләрдә урыны белән һавада һәм туфракта -2°, Казан шәһәрендә 13 сентябрьдә түбән урыннарда -1°ка кадәр туң көтелә. Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә: Һавада һәм туфрак өстендә туң булганда халыкка киңәшләр. Кыраулар аркасында авыл хуҗалыгы культуралары - чәчәкләр һәм төшле җимеш  һәм орлыклы культуралар, җылылык сөюче үсемлекләр зарарлану һәм һәлак булу куркынычы арта. Белгечләр утыртмаларны яклау чараларын күрергә киңәш итә. Үсемлекләрне каплау яшь шытымнарны кыраудан коткару өчен бакчачылар тарафыннан аеруча гамәли һәм еш кулланыла торган ысул булып тора. Материал аз җылылык үткәрүчәнлеккә ия булырга тиеш (тупас гофрирланган кәгазь, куыкчалы пленка, салам яисә камыш маты). Культураларны туңудан төтен чыгару  ярдәмендә дә, моның өчен төтен шашкалары яки төтен өемнәре кулланып та сакларга мөмкин. Төтен шашкасына янып, чәчәк атучы агач өчен зарарсыз күп төтен бүлеп чыгаручы матдә катнашмасы тутырылган. Төтен шашкасы 8-10 минут эшли. Төтен өемнәре әзерләү өчен чи салам, чыбык - чабык, үлән, торф, яфрак, пычкы чүбе, чүп үләне, көнкүреш чүп-чарлары-акрын янучы (черегән) һәм күп төтен бүлеп чыгаручы (тышкы яктан дымлы материаллар куярга мөмкин) бар нәрсәне кулланалар. Эш шунда , бакчаны кыраудан ут сакламый, ә төтен саклый, ул җир өстенә җәелә һәм аңа туңарга, җылысын бирергә мөмкинлек бирми. Теләсә нинди бәла – каза очрагында сез һәрвакыт ашыгыч хезмәтләрне чакыруның бердәм номерына - «112»гә мөрәҗәгать итә аласыз. Шалтыратулар тәүлек буе шәһәр һәм кәрәзле телефоннардан бушлай кабул ителә.