" Террорчылыкка юк дип әйтик!!!"-Иске Тимошкино урта мәктәбендә танып белү уены үткәрделәр.

  Аксубай муниципаль районы территориясендә террорчылык идеологиясенә каршы торуның комплекслы планын тормышка ашыру кысаларында Иске Тимошкино урта мәктәбендә коррупциягә каршы тору мәсьәләләре буенча башлык ярдәмчесе Крайнова Эльмира һәм тәрбия буенча киңәшчеләрнең муниципаль кураторы Хәйруллина Наталья белән очрашу узды, алар балалар белән профилактик әңгәмә үткәрде. Тәрбия буенча киңәшче Яшмурзина Наталья һәм авыл китапханәчесе Туйкина Ирина 10-11 сыйныф укучылары өчен " Терроризмга юк дип әйтик!!"уен программасын әзерләделәр. Танып белү программасы барышында балалар белән террорчылык күренешләренең массакүләм кеше корбаннарын китерүе һәм авыр физик һәм психологик җәрәхәтләр китерүе турында сөйләштеләр. Бергә соңгы елларда дөньяда кылынган террорчылык актларын искә төшереп конкрет мисалларда берничә ситуацияне ачыкладылар. Балалар шулай ук " Әгәр...", "Шикле предмет тап"уеннары уйнады, кроссворд чиште, «Ничек теракт корбаны булмаска? " дигән викторина сорауларына җавап бирде. "Әсирлектә үзеңне ничек тотарга?", җавапның дөрес вариантын сайлап  аңлаттылар, «Террорчылыкка – юк»билгесен ясадылар. Чара ««От ядерного гриба- к дереву мира» " акциясе белән тәмамланды. Балалар һәм кунаклар яфракларын сугыш гөмбәсенә ябыштырып, террорчылыкка каршы көрәштә теләктәшлек көненә багышланган стендта сурәтләнгән тынычлык агачын үстерергә булышты. Шулай итеп, әлеге чара укучыларга террорчылык куркынычының җитдилеген аңларга ярдәм итте һәм катлаулы шартларда үзеңне куркынычсыз тоту нигезләренә өйрәтте. Уен квесты нәтиҗәләре буенча барлык катнашучылар да районның террорчылыкка каршы комиссиясеннән  символикалы магнитиклар алды.