Халыкара өлкәннәр көненә багышланган бәйрәм чарасы.

  Халыкара өлкәннәр көне алдыннан Аксубай район мәдәният йортында бәйрәм чарасы булды: кунаклар  чәй эчәргә җыелды, ә концертлар залында әлеге мөһим көнгә багышланган матур бәйрәм концерты узды. Район мәдәният йорты һәм балалар сәнгать мәктәбе артистлары бәйрәм уңаеннан махсус концерт программасы әзерләде. Аксубай муниципаль районы башлыгы Мингулов Алмаз Минвазых улы җыелучыларга изге теләкләр һәм котлау сүзләре җиткерде. Ул ветераннарны чын күңелдән өлкәннәр көне белән котлады, аларга ныклы сәламәтлек һәм иминлек теләде. Бәйрәм һәркемгә онытылмаслык тәэсир һәм якты хисләр бүләк итте. Кунаклар көндәлек мәшәкатьләрдән арына алды һәм күңелле ял белән ләззәтләнә алды. Барлык оештыручыларга һәм артистларга искиткеч чыгышлары һәм матур кәефләре өчен ихлас рәхмәт!