Татарстанда атамаларында  исем һәм фамилияләр булган 300 дән артык торак пункт бар.

  Росреестр географик атамаларның Дәүләт каталогы мәгълүматларына караганда, Татарстан Республикасында исем һәм фамилияләр (яисә аларның ясалмалары) булган 300 тирәсе торак пункт бар.  Мәсәлән, атамада Җәлил, Гайшә, Азат, Алан, Чулпан, Айдар, Илдус, Макаровка, Варварино, Федоровка, Владимировка, Екатериновка һ.б. исемнәр бар. «Екатериновка» исеме биш тапкыр очрый (Яңа Чишмә, Питрәч, Спас, Теләче һәм Ютазы районнарында). Торак пункт атамалары арасында фамилияләр – Державино, Яковлево, Петрово, Соболевское һ.б. иң киң таралганнарыннан берсе – «Тукай», ул җиде тапкыр очрый (Агерҗе, Аксубай, Кама Тамагы, Менделеевск, Нурлат, Спас һәм Чирмешән районнарында) һәм «Вахит»: республикада бу исем белән дүрт торак пункт (Кукмара, Әлки, Югары Ослан һәм Буа районнарында)атала. Тулаем Россия буенча атамаларында исем булган сигез шәһәр бар. Владимир (Владимир өлкәсе) һәм Артем (Приморье крае) шәһәрләреннән тыш исемлеккә Беслан (Төньяк Осетия – Алания Республикасы), Верея (Мәскәү өлкәсе), Аксай (Ростов өлкәсе), Алдан (Саха Республикасы (Якутия), Салават (Башкортстан Республикасы) һәм Тулун (Иркутск өлкәсе) кергән. Исегезгә төшерәбез, географик атамаларның Дәүләт каталогы операторы булып Роскадастр тора.