1 октябрьдән «Аксубай үзәк район хастаханәсе» ДАССОга табиб-психиатр-нарколог Рыбина Юлия Романовна эшкә урнашты.

  Табибны эшкә урнаштыру "Озак һәм актив тормыш"Федераль проекты кысаларында медицина кадрларын җәлеп итү чаралары нәтиҗәсендә мөмкин булды. Юлия Романовна Киров дәүләт медицина университетын "Педиатрия" белгечлеге буенча 2023 елда тәмамлый.6 курста практика узганнан соң Аксубай үзәк район хастаханәсенә эләгә, алга таба шунда эшләргә тели. 2023-2025 елларда Казан дәүләт медицина университетында "Психиатрия" белгечлеге буенча ординатурада укый, уку чорында Казан дәүләт медицина академиясе базасында "Психиатрия-наркология"белгечлеге буенча яңадан һөнәри әзерлек үтә. Соңгы елларда  алкоголь белән бәйле авырулардан үлү алдынгы урыннарны алып тора, табиб-психиатр-наркологны эшкә урнаштыру безнең хастаханәгә әлеге контингент белән эшне яңача оештырырга мөмкинлек бирәчәк. Без халкыбызда үлүчеләр саны кимү рәвешендә уңай нәтиҗәгә өметләнәбез. Табиб - психиатр-наркологны кабул итү поликлиниканың 203 Кабинетында дүшәмбедән җомгага кадәр 8:00 дән 16:48 гә кадәр башкарыла. Кабул итүгә бердәм call-үзәк телефоны (8-843-442-90-58) аша язылырга мөмкин. Юлия Романовнага иҗади уңышлар һәм рәхмәтле пациентлар телибез!