Интернет челтәрендә бердәм куркынычсызлык дәресе.

  Аксубай районы мәгариф оешмаларында интернет челтәрендә ел саен уздырыла торган бердәм куркынычсызлык дәресе старт алды.Ул кибер куркынычсызлык дәрәҗәсен күтәрүгә, ата-аналар һәм педагогик җәмәгатьчелекнең интернет челтәрендә балалар куркынычсызлыгы проблемасына игътибарын тәэмин итүгә һәм укучыларда цифрлы грамоталылыкны үстерүгә юнәлдерелгән.   Акция кысаларында үткәрелә торган чаралар мәктәп укучылары һәм ата-аналар игътибарын интернет киңлекләрендә сагалаган куркынычка, шул исәптән  интернет-бәйлелеккә һәм интернет-мошенниклар китерә ала торган зыянга юнәлтергә тиеш. Киберкуркынычсызлык - бу көннәрдә сыйныф сәгатьләре, әңгәмәләр, түгәрәк өстәлләр барышында яңгырый бу сүз. Укучылар мәгълүматның дөреслеген тикшерергә, үзләренең шәхси мәгълүматларын якларга өйрәнә. Укучылар һәм балалар бакчаларында тәрбияләнүчеләрдән тыш, ата - аналар белән дә эш алып барыла-алар интернетта үз балаларының үзләрен тотышын контрольдә тоту кирәклеге турында беләләр. Дәресләр «Имин интернет лигасы» интернет-индустрия базарында катнашучылар ассоциациясенең методик тәкъдимнәрен һәм белешмә материалларын, шулай ук Россия Федерациясе Генераль прокуратурасы тарафыннан Россия Банкы белән берлектә эшләнгән мәгълүмати-телекоммуникацион технологияләрне кулланып финанс мошенниклыгына каршы тору турындагы мәгълүмати материалларны кулланып уздырыла. Программа 5 яшьтән 19 яшькә кадәрге яшне күздә тота.